මනුකා විජේසිංහ
ඔබ යමින් සිටින්නේ කොතැනකටද, ස්වාමීනි? පුනර්ජීවනය ලද ක්‍රිස්තුස් වහන්සේ වෙතින් පීටර් ඇසීය. ” නැවත වතාවක් කුරුසයේ ඇණ ගසනු ලැබීමට ගොදුරු වීම සඳහා මම රෝමය වෙත ගමන් කරමි.”යි ක්‍රිස්තුස් වහන්සේ පිළිතුරු දුන්හ.
මානව වර්ගයා කෙරෙහි තමා තුළ පැවැති ප්‍රේමය වෙනුවෙන් ක්‍රිස්තුස් වහන්සේ සිය ජීවිතය පුද කල අතර අපි මානව වර්ගයා කෙරෙහි වන ආදරය හේතුවෙන් ජීවත් වෙමු. අපි ජීවත් වන්නේ අප අයත්වන මිනිස් පවුල කෙරෙහි අප විසින් ඉටුකළ යුතු වගකීම් සහ සරල චාරිත්‍ර සම්පූර්ණ කිරීම සඳහාය. දෙමව්පියන්, දරුවන්, බිරිඳ හෝ ස්වාමියා, සහෝදර සහෝදරියන්, ප්‍රජාව ආදින් රැක බලාගැනීමට, සත්කාර කිරීමට ජීවිතය විසින් අප වෙත ලබාදී ඇති අවස්ථාව වෙනුවෙන් අපි සතුටු වෙමු.
අපගේ ආසියානු මානව අත්දැකීමේ අති උතුම්ම ආකාරය වන්නේ අපගේ සම්ප්‍රදායන් තුළ අන්තර්ගතව ඇති වටිනාකම් ඉටුකිරීමය. අපි ඥාති සබඳතාවන්ගේ භූමිකාවන් හඳුනා ගැනීමට සහ වෙන්කර දැක්වීමට සමත්ව ඇත්තෙමු. අපි ආත්මාර්ථකාමි කාම සුඛල්ලිකානුවාදයේ පියාපත් සළමින් ඔහේ නිදහසේ පාවෙන පුද්ගලයන් නොවෙමු. අපි අප විසින් අනෙකා වෙත ලබාදෙන්නාවූ සහ අනෙකා විසින් අප වෙත ලබාදෙන්නාවූත් සතුට සහ සැනසීම මගින් ශක්තිමත්ව පවත්වාගෙන යන පවුල නැමැති ඒකකය සමග ඉතා ගැඹුරු ලෙස සම්බන්ධව ඇත්තෙමු. පවුල සහ ප්‍රජාව නැමැති ඒකකයන් පදනම්ව ඇත්තේ ලිඛිත ව්‍යවස්ථාවක් මත පදනම්ව නොවේ. එය ගොඩ නැගී ඇත්තේ පරම්පරා ගණනාවක් තිස්සේ ගොඩ නැගුණු විශ්වාසය මතය. මනුෂ්‍යයන් වන අපට අපගේ පැවැත්ම සඳහා ආණ්ඩු හෝ ආයතන අවශ්‍ය නැති නමුත් ආයතන සහ ආණ්ඩුවලට ඒවායේ පැවැත්ම සඳහා අපව අවශ්‍ය ව ඇත.
කොවිඩ් ආඛ්‍යානය දිගහැරෙන විට පාවාදී දූෂණය කරන ලද්දේ මේ විශ්වාසයයි.
එය සිදු වූයේ බොහෝ පුරවැසියන් රාජ්‍ය්‍ය සහ පාලක පන්තිය කෙරෙහි තබා ඇති අන්ධ විශ්වාසය විශ්වාසය හේතුවෙනි.
පශ්චාත් නිදහස් ලංකාවේ ආණ්ඩු බලධාරින් විසින් ග්‍රාමීය සිංහල සහ දෙමළ ජනතාවට එරෙහිව රැවටීම්, වධ බන්ධන පැමිණවීම්, සමූල සංහාරයන් සහ ඝාතනය කිරීම්, අතුරුදහන් කිරීම් ආදිය අඛණ්ඩව දියත්කර තිබීමේ කාරණය අමතක කරන ලද බොහෝ පුරවැසියන් විසින් ඒ බලාධිකාරිය විසින්ම ඉදිරිපත් කරන ලද කොවිඩ්-19 ආඛ්‍යානයන් අවම ප්‍රශ්න කිරීමකින් හෝ තොරව විශ්වාස කරමින් සමාජ දුරස්තකරණය, මුව සහ නාසා ආවරණ පැළඳීම, PCR සහ ඇන්ටිජන් පරීක්ෂණ වලට යටත්වීම වැනි අමානුෂික සහ විකෘති නියෝග පිළිපැදීමත්, අවසානයේදී ආයතනික සහ දේශපාලනික අධිකාරින්ගේ අවිද්‍යාත්මක සහ අතාර්කික නියෝගවලට යටත් වෙමින් පාසල්, පන්සල්, පල්ලි, තුන්මංහන්දි අසල රැස්කමින් කාර්යක්ෂමතාව, සුරක්ෂිතතාව ආදිය පිළිබඳ කිසිදු සහතිකයක් නොමැති, නොදන්නා විෂ එන්නත් වර්ගයකින් තමන්වම එන්නත් කරවාගැනීමත් සිදුවිය.
මිනිස් සත්වයාගේ දුර්වලතම ලක්ෂණය අන්ධ භක්තියයි
රෝග විනිශ්චය සඳහා පොලිමරේස් දාම ප්‍රතික්‍රියා පරීක්ෂණය(Polymerase Chain Reaction -PCR) ස්වර්ණමය ප්‍රමිතියකින් යුත් පරීක්ෂණයක් බව මෙම ජනතාව තුළ විශ්වාසයක් ඇති කරන ලදි. මෙම ආඛ්‍යානය ප්‍රශ්න කෙරෙන විවිධ අධ්‍යයනයන් සහ විශ්ලේෂණයන් ඇතුළු විද්‍යාත්මක ලේඛන ප්‍රමාණවත් තරමින් අන්තර්ජාලයේ අන්තර්ගතව පැවතුණද, PCR පරීක්ෂණය නිර්මාණය කළ නොබෙල් ත්‍යාගලාභි විද්‍යාඥ කේරී මුලිස් (Kerry Mullis) විසින්ම ” ඔබ රෝගි වී ඇති ඇත්ද නැත්ද යන්න ගැන පීසීආර් පරීක්ෂණයට කිව නොහැකිය.මෙම පරීක්ෂණ වලට නිදහස් වෛරස හඳුනාගැනීම කොහෙත්ම කළ නොහැකිය” යනුවෙන් පවසා තිබුණද ඒ කිසිවක් සොයා බලා අධ්‍යයනය කර තමන්ගේම නිගමනයකට එළැඹීම වළක්වන ලද්දේ ජනතාවන් තුළ පැවැති මෙම අන්ධ විශ්වාසයයි. පාලක පන්තියේ බලධාරින් තමන් අයත්වන මානව පවුලටම අයත්වූවන් බව ජනතාවන් තුළ පැවැති සාවද්‍ය අනුමානය ඊට හේතු විය.
“විද්‍යාඥයන් විසින් ලෝකයට උදව් කිරීමේ නාමයෙන් එයට භයානක හානියක් කරමින් සිටී. මම මගේ වෘත්තීය සගයන්ට පහර දීමට මැලි නොවෙමි. මක් නිසාද යත් ඔවුන් සිදු කරමින් සිටින දෙය මට ලජ්ජාවක් බැවිනි.”
රසායන විද්‍යාව සඳහා නොබෙල් ත්‍යාගලාභි විද්‍යාඥ කේරී මුලිස් (Kerry Mullis)
<
ලෝක සෞඛ්‍ය සංවිධානය වැනි කිසිවෙකුගේ ඡන්දයකින් තෝරා නොගන්නා ලද ජාත්‍යන්තර රාජ්‍ය නොවන සංවිධානයක් විසින් මහා ව්‍යසනකාරි වසංගතයක් ලෙස මවා පෙන්වන ලද සාමාන්‍ය සරල වෛරස් ආසාදනයක් සඳහා සාමූහික ප්‍රතිශක්තිය ලබාගත හැකි වටිනා ඖෂධයක් ලෙස හඳුන්වා දෙමින් නව තාක්ෂණයකට නිෂ්පාදනය කරන ලද්දා වූ ලිපිඩ නැනෝ අංශු තුළ අන්තර්ගත කරන ලද කෘත්‍රිම mRNA අඩංගු එන්නත්වල සුරක්ෂිතතාව සහ ඵලදායකත්වය පිළිබඳව තොරතුරු තමා විසින්ම අධ්‍යයනය කිරීමට වෛද්‍ය විද්‍යාත්මක දැනුමක් නොමැති සාමාන්‍ය ජනතාවට හැකියාවක් ඇතැයි යමෙකුට අපේක්ෂා කළ නොහැකිය.
ලෝක සෞඛ්‍ය සංවිධානය ආරම්භයේ සිටම සාර්ථක ප්‍රතිඵල පෙන්වා ඇත්තේ සුව කළ හැකි සාමාන්‍ය රෝග කල් පවත්නා නිදන්ගත රෝග බවට පත්කරලීම තුළ මිසෙක මානව සෞඛ්‍යය යහපත් තත්ත්වයකට වර්ධනය කිරීම තුළ නොවේ. එසේ වුවද මානව වර්ගයා විවිධ රෝගයන්ට ගොදුරු කරන අතරම එය විසින් දැවැන්ත ඖෂධ සමාගම්වල ලාභ අනුපාතිකයන් විශාල වශයෙන් ඉහළ නංවමින් සිටියි. ඔවුන්ගේ ලාභ ඉපිදවීමේ ක්‍රම වේදය වන්නේ නව ඖෂධ අවශ්‍යවන නව රෝග හඳුන්වා දීමයි. මෙහි අවසාන ප්‍රතිඵලය මනුෂ්‍යයන්ගේ වැදගත් ඉන්ද්‍රියයන් සහ මනස විනාශ කරනු ලැබීමයි.
මරණය පැමිණෙන මොහොතවන විටත් ඖෂධ විෂවීම මගින් පුද්ගලයා කායිකව, මානසිකව සහ අධ්‍යාත්මිකව මරණයට පත්වී සිටිය හැකිය.
අපගේ සෞඛ්‍ය ආයතන සේවය කරන්නේ කාටද? මහජනතාවටද? නැතහොත් ඒකාධිකාරි ඖෂධ සමාගම්වලටද?
සැබැවින්ම පසුගිය වසර කීපය විසින් සනාථ කර ඇත්තේ ඒවා සේවය කරන්නේ මහජනතාව වෙත නොව ඒකාධිකාරි ඖෂධ සමාගම්වලට බවයි. දේශපාලනඥයන්, රාජ්‍ය ආයතන සහ සෞඛ්‍ය නිලධාරින් විසින් ලෝක සෞඛ්‍ය සංවිධානය සහ එහි අපරාධ සහායකයන් විසින් ඉදිරිපත් කරන ලද වංචනික න්‍යායන් සහ මරණ පිළිබඳ සංඛ්‍යා ලේඛන පිළිබඳ වාචාල දොඩවන ලද්දේ ගිරා පෝතකයන් මෙනි.
මෙය අළුත් දෙයක්ද?
මෑතකදී එළිදක්වන ලද මාර්ටින් ස්කොර්සේසෙ(Martin Scorsese) ගේ “චන්ද්‍රපුෂ්පයේ ඝාතකයෝ” (Killers of the flower moon) නම් චිත්‍රපටයෙන් විදහා දැක්වෙන්නේ ඇමෙරිකාවේ ඔක්ලහෝමා ප්‍රාන්තයේ ස්වදේශික ඔසාගේ (Osage) ප්‍රජාව මුහුණ දුන් බිහිසුණු ඛේදාන්තය පිළිබඳවයි. අහඹු ලෙස හෝ චේතාන්විතවම හෝ මෙම චිත්‍රපටය මුදාහරින ලද්දේ ගෝලීය කොවිඩ්-19 සමූල එන්නත්කරණයෙන් පසුවයි. සුදු යුරෝපීය ජනපදිකයන් විසින් ඔසාගේ ප්‍රජාව ඔවුන්ගේ නිජභූමි උදුරා ගැනීමෙන් පසුව ඔවුහු පර්වත ගහණ වෙන්කරන ලද භූමිභාගයකට පළවා හරින ලදි. මෙම “රක්ෂිත භූමිය” තුළට ඔවුන් ගාල් කිරීමේ දී දෙන ලද පොරොන්දුව වූයේ මෙම නිසරු භූමිය වෙතින් ලැබෙන සියලු “ප්‍රතිලාභයන් ඔසාගේ ප්‍රජාවට හිමිවන බවය. නමුත් පසුව මෙම නිසරු භූමිය ඛනිජ තෙල් වලින් ගහණ පෙදෙසක් බව සොයාගන්නා ලදි. යුරෝපීය යටත්විජිත ආක්‍රමණිකයා විසින් ඉක්මණින්ම මෙම භූමිය නැවතත් කොල්ලකෑමේ සැලසුම් දියත් කරන ලදි. පළමුව ඔවුහු ඔසාගේ ප්‍රජාව විෂ සහිත ආහාර ගැනීමට සලස්වන ලද අතර එහි ප්‍රතිඵලයක් ලෙස ගෝත්‍රික ප්‍රජාවේ තරුණ කොටස් දියවැඩියා රෝගයට ගොදුරුවීම සිදුවිය. පසුව මෙම රෝගය ගෝත්‍රික ප්‍රජාව තුළ ව්‍යාප්ත කිරීමට කටයුතු කළ සුදු ජනපදිකයන් විසින්ම එම රෝගයට “ප්‍රතිකාර” ලෙස “ඖෂධ” සැපයීමද සිදු කරන ලදි. එම ඖෂධවලින් සිදුවූයේ රෝගී ගෝත්‍රික ජනයා සුවපත්වීම නොව ඔවුන් මරණයට පත්වීමය. මෙය භූමිය සහ එහි පැවැති ඉඩම් අත්පත්කරගැනීම සඳහා දියත් කරන ලද විශාල සැලසුමක් විය.
දැන් ලෝ වැසි ජනතාව වන අප වෙතින් මෙම පෘතුවිය උදුරාගැනීම සඳහා සැලසුම් සහගතවම යුද්ධ, ආණ්ඩු පෙරළීම්, කුමන්ත්‍රණ, සම්බාධක පැනවීම්, ඖෂධ ලෙස සහ රෝග වැළැක්වීමේ ප්‍රතිකාර ලෙස හඳුන්වා දෙමින් විෂ අලෙවි කිරීම ආදිය සිදු කරමින් සිටින්නේද මෙම එකම අපරාධකරුවන් විසිනි.
මහනුවර රෝහලේ වෛද්‍යවරුන් පිරිසක් හදිසියේම ඉතා බිහිසුණු ටර්බෝ පිළිකා රෝග රැසකට ගොදුරුවීම සිදු වූයේ කෙලෙසකද?
මහනුවර රෝහලේ වෛද්‍යවරුන් සහ වෛද්‍ය ශිෂ්‍යයන් වෙත ලබාදුන් මොඩෙර්නා එන්නත එයට හේතුවී ඇත්ද? කොවිඩ් එන්නත් වෙළඳපොළේ එන්නත් අතරින් වඩාත් මාරාන්තිකම එන්නත මොඩෙර්නා එන්නත බව සැළකේ. එහි අන්තර්ගත ලිපිඩ නැනෝ අංශු ප්‍රමාණය ෆයිසර් එන්නත මෙන් තුන්ගුණයකටත් වඩා වැඩි බව සනාථ කෙරී ඇති අතර ඒ අනුව එය වඩාත්ම මාරාන්තික කොවිඩ්-19 එන්නත බවට වර්ගීකරණය කෙරී තිබේ.
හදිසි හෘදයාබාධවලින් නිරෝගී තරුණ ජනයා මැරී වැටීම සිදුවන්නේ මන්ද? අන්ධභාවය, බිහිරිබව ලේ විෂවීම, හෘදය පේෂි ඉදීමීම, ටර්බෝ පිළිකා, ලේ කැටිගැසීම, මොළයේ ලේ කැටිති සිරවීම ආදියේ ශීඝ්‍ර වර්ධනයක් සිදුව ඇත්තේ මන්ද? පසුගිය වසර 4 පුරා ලොව පුරාම සිදුවන මෙවැනි මරණ සහ රෝගවලට හේතු වී ඇති එකම පොදු සාධකය කොවිඩ්-19 සමූල එන්නත්කරණය නොවන්නේද?
මෙම සිදුවීම් ප්‍රශ්න කිරීම වෙනුවට ඒ පිළිබඳව පවත්නා මෙම දැඩි නිහැඬියාවට හේතුව කුමක්ද? පසුගිය කාලය පුරා නිරෝධායන ඇඳිරි නීති පැනවීම් සහ එන්නත්කරණයට පක්ෂව ඒවා උත්කර්ෂයට නංවමින් හඬනැංවූ වෛද්‍යවරුන්, වෛරස් රෝග විශේෂඥයන්,ජනමාධ්‍යවේදීන්, කලාකරුවන් ඖෂධවේදී නියෝජිතයන් දැන් මේ ආකාරයෙන් රෝග නිර්ණ හේතුවිද්‍යාවකින් තොරව විසඳිය නොහැකි අමුතු රෝග ශීඝ්‍රයෙන් ව්‍යාප්තවනවිට නිහඬව සැඟවී ඇත්තේ ඇයි? ඔවුන් විසින් දැන් කළ යුතුව ඇත්තේ නිහඬව ගොලුවීම වෙනුවට සමාජ දුරස්තකරණය, නිරෝධායන ඇඳිරිනීති, පීසීආර් පරීක්ෂණ, අනිවාර්ය මුව ආවරණ නීතිආදි රෝග වැලැක්වීම සඳහා යැයි ගන්නා ලද ඖෂධීය නොවන ක්‍රියාමාර්ග සහ එන්නත්කරණය වැනි රෝග සුවකිරීම සඳහා යැයි කියමින් ගන්නා ලද ක්‍රියාමාර්ග ඇතුළු සියලු කොවිඩ්-19 ප්‍රතිපත්ති සහ ඒවායේ දුර්විපාකයන් පිළිබඳව පිළිබඳව මහජන විමර්ශනයක් පැවැත්වීම නොවේද? ඔවුහු වගකියන්නේ ජනතාව වන අපටද නැතහොත් ඒකාධිකාරි ඖෂධ සමාගම්වලටද?
“දීර්ඝ කාලීන කොවිඩ්”(Long Covid ) යනු කුමක්ද?
තමන්ගේ රෝගී තත්ත්වයන්හ සහ දුක් වේදනාවන්ට හේතුව “දීර්ඝ කාලීන කොවිඩ්” යැයි වේදනා ප්‍රකාශ කරන බව පෙනෙන අය එවැනි රෝගයක් තිබේදැයි කවදා හෝ විමසා තිබේද? ස්වාභාවික වෛරසයක් මගින් ඇතිවන “දීර්ඝ කාලීන කොවිඩ්” නම් රෝගී තත්ත්වයක් පවතින බව කිසිදු බැරැරෑම් විද්‍යාඥයෙකු විසින් විද්‍යාත්මක අධ්‍යයන පත්‍රිකාවක් මගින් සනාථ කොට නැත.”දීර්ඝ කාලීන කොවිඩ්” යනු කොවිඩ්-19 එන්නත්වල හානිකර ප්‍රතිඵල හේතුවෙන් ඇතිවන රෝග ලක්ෂණ සමූහයක් හැඳින්වීම සඳහා පාඨයක් පමණි. එම රෝග ලක්ෂණ දක්නට ඇත්තේ එන්නත් ලබාගත්තවුන් තුළ පමණි.
හදිසියේ ඇතිවන හෘදයාබාධ හේතුවෙන් රටේ පාසල් සිසුන්ට ක්‍රීඩා උත්සව වලට සහභාගිවීමට පෙර ECG පරීක්ෂණයක් සිදු කරගන්නා ලෙස උපදෙස් නිකුත් කර තිබේ. සත්තකින්ම පූර්ව ආරක්ෂක ක්‍රියාමර්ග පිළිපැදීම යහපත්ය. නමුත් දරුවන් දුවන්නේ පනින්නේ පිහිනන්නේ පාසල් ක්‍රීඩා උත්සවවලදී පමණක්ද? ඔවුහු බස්රියක් අල්ලා ගැනීම සඳහා දිවීමට සිදුවන විට එය සිදු නොකළ යුතුද? අසල්වැසි ළමුන් සමග ක්‍රිකට් ක්‍රීඩාවේ නිරතවනවිට කඩුළු අතර දිවීම සිදු නොකළ යුතුද? සෑම සෙල්ලම් කිරීමකටම පෙර දරුවන්ව ECG පරීක්ෂණයකට ලක්කළ යුතුව තිබේද? නැතහොත් සිය දරුවන්වට කොවිඩ්-19 මුඛවාඩම්ලෑමටත්, පාසල්වසා දමා නිවාස තුළ සිරකිරීමටත්, විෂ සහිත එන්නත්කරණයකටත් ලක්කිරීම මුග්ධ කෑදර දේශපාලනඥයන්ට ඉඩ දී නිහඬව සිටි වර්තමාන “සුහුරු සහ ඩිජිටලීකෘත” දෙමව්පියන් සිතන්නේ ක්‍රීඩා කිරීම යනු ළමුන්ට අනවශ්‍ය දෙයක්බවද?
මම මෙහිදී සෝමලතා සුබසිංහගේ “විකෘති” ජනප්‍රිය වේදිකා නාට්‍යයේ එන අසුබ අනාගත පෙර දැක්ම සිහිපත් කරමි.මෙම නාට්‍යය කේන්ද්‍රීය කතාපුවත ගොඩ නැගී තිබුණේ නාට්‍යයට සහ නැටුම්කලාවට ආදරය කරන දක්ෂ දැරියකගේ ඉරණම වටාය. ඇය එම විෂයයන් ඉගෙනීමට කැමැති නමුත් සිය දියණිය වෛද්‍යවරියක කිරීමේ සිහිනය දකිමින් සිටි ඇගේ මව විසින් ඇයට රඟපෑම,ගායනය සහ නැටුම් තහනම් කරන ලදි.”විකෘති” නාට්‍යය අවසාන වන්නේ දැරිය මානසික රෝගියෙකු බවට පත්වන ජවනිකාවකිනි.
කෙළි සෙල්ලමේ නිරතවීම දරුවන්ගේ ස්වභාවය නොවන්නේද? අපගේ කැමැත්ත වී ඇත්තේ අපගේ දරුවන් මානසික රෝගීන් බවට පත්වනු දැකීමද?
අපගේ දේශයේ අනාගත පරපුර මුහුණ දී ඇති මෙම අවදානම් සහගත තත්ත්වයෙන් ඔවුන් ගලවා ගැනීම සඳහා ගතයුතු වඩාත් ප්‍රායෝගික සහ ඥානාන්විත ක්‍රියාමාර්ගය වන්නේ කොවිඩ්-19 එන්නත් මගින් සිදු කරන ලද හානිකර බලපෑම පිළිබඳව අවබෝධ කරගැනීමේ ඉලක්කය සහිතවූත් එම හානි සඳහා ප්‍රතිකාර කිරීමට අපගේ සම්ප්‍රදායික වෛද්‍ය ක්‍රම සමග සංකලනයෙන් යුතු ප්‍රතිකාර ක්‍රම සොයාගැනීම ඉලක්කය කරගත්තාවූත් කාර්ය සාධක බලකායක් සථාපනය කිරීම නොවේද? මෙම දරුවන් අපගේ අනාගතය නොවන්නේද?
නමුත් එවැන්නක් මගින් ECG පරීක්ෂණ නිර්දේශ කරන්නවුන්ගේඅවශ්‍යතා ඉටු නොවන අපි දනිමු. ECG පරීක්ෂණ නිර්දේශ කරන ඇමැතිවරුන්ටද, ඒවා අලෙවි කරන නියෝජිතවරුන්ටද, සමහර විට පාසල් ප්‍රධානින්ටද එම පරීක්ෂණ මගින් ලැබෙන ප්‍රතිලාභ වඩාත් අධිකය. පසුගිය ඊනියා වසංගත සමයේ වඩාත් දුෂ්ට ලෙස හැසිරුණු ආයතනවලින් එකක් නම් පාසලයි. අපගේ රට තුළ අනිවාර්ය එන්නත්කරණය සඳහා ආණ්ඩුව විසින් දරන ලද උත්සාහය පරාජය වුවද, පාසල් විසින් එන්නත් ලබා නොගත් සිසුන්ට පාසල්වලට ඇතුළුවීම තහනම් කරන ලදි. මෙම අපරාධය කිසිදු දිනෙක යුක්තිසහගත කළ නොහැකි එකක් මෙන්ම සමාවද නොදිය යුතු එකකි. අනිවාර්ය කොවිඩ්-19 එන්නත්කරණය සඳහා බලකරන ලද විදුහල්පතිවරුන්ට එම අපරාධය සඳහා නීතිමය දඬුවම් පැමිණවිය යුතුය. ඔවුහු අපගේ දරුවන්ට එරෙහිව සිදුකරන ලද දැවැන්ත අපරාධයකට හවුල් වී තිබේ.
දරුවන් කොවිඩ්-19 මගින් මරණයට පත්වූයේ නැත. එය කිසි කලෙකත් ඔවුන්ට තර්ජනයක් නොවිණි. නමුත් ඔවුහු ජාන විකෘතිකාරක ෆයිසර් එන්නත මගින් එන්නත් කරන ලදි. මෙම ජාන ඉංජිනේරුකරණයේ සිදුකරන ලද ජාන විකෘතින් සහ දරුවන් බිහිකිරීමේ හැකියාව කෙරෙහි ඒවායේ බලපෑම අවබෝධ කරගැනීම සඳහා පරම්පරා ගණනාවක් තිස්සේ අධ්‍යයනයන් කළ යුතුව තිබේ. සාපේක්ෂ වශයෙන් ගත්කළ අඩු අවදානමක් සහිත චීන සහ රුසියන් එන්නත්වලින් දෙමව්පියන් එන්නත් කරන ලද අතර අපගේ සියලු දරුවන් එන්නත් කරන ලද්දේ අතිශය භයානක බටහිර නිෂ්පාදනයක් වන ෆයිසර් එන්නත මගිනි. දරුවන්ව ෆයිසර් මගින් එන්නතකිරීම සිදුවූයේ එක් වරක් පමණක් නොවේ. ෆයිසර් එන්නතේ වැඩිහිටියන්ට නිර්දේශිත මාත්‍රාවලින් ඔවුහු අපගේ දරුවන්ව දෙවරක්ම එන්නත් කරන ලදි.
අපගේ දරුවන්ව බලහත්කාරයෙන් එන්නත් කරන ලද්දේ විදුහල්පතිවරුන්ගේත්, ගුරුවරුන්ගේත්, ගුරු සංගම්වලත් නියෝග පරිදිය. මෙම දරුවන් මගින් තමන්ට කොවිඩ්-19 ආසාදනය වෙතැයි ඔවුන් තුළ තිබූ අහේතුක සහ නිවට බිය ඊට හේතු විය. අපගේ ආච්චිලා සහ සීයලා කුඩා දරුවෙකු ආසාදිත රෝගියකින් ගිලන්ව වී නිවසට පැමිණිවිට එයට බියවුවෝද? නැත. දෙමවිපියන් රැකී රක්ෂාවලට ගියවිට ගිලන් දරුවන්ට ඇප උපස්ථාන කරමින් ඔවුන් බලාගත්තේ මෙම වැඩිහිටියන් විසිනි. මානව ඉතිහාසයේ දී වැඩිහිටියන් හෝ දෙමව්පියන් විසින් තමාගේ ජීවිතය ගලවා ගැනීම සඳහා දරුවන්ගේ ජීවිත බිල්ලට දුන් අවස්ථාවන් තිබුණේ කවර නම් කලෙකද? අද අපගේ දරුවන් දුක්විඳින්නේ හෘදයාබාධවලින් පමණක් නොවේ. පිළිකා රෝගවලින්, ස්නායු ආබාධවලින්, වඳබවට ගොදුරුවීමෙන් පීඩා විඳිති. ගණන් කළ නොහැකි තරම් යොවුන් දැරියන් සංඛ්‍යාවකගේ මාසික ඔසප්වීම් නතර වී ඇත. යොවුන් දරුවන්ගේ වෘෂණ කෝෂ ඉදිමීම්, පුරස්ථ ග්‍රන්ථි ආශ්‍රිත රෝග පිළිබඳව පවතින වාර්තා අතිවිශාලය. ඔවුහු විසින් අපගේ දරුවන් වඳ බවට පත්කර තිබේද?
ෆයිසර් සමාගම විසින් සිය කොවිඩ්-19 එන්නත්වල සායනික පරීක්ෂණවල වාර්තා සැඟවීමට තැත් දරන ලද අතර ටෙක්සාස් අධිකරණ නියෝගයක් මගින් ඒවා මහජනතාවට මුදා හැරීමට සිදුවිය. එම වාර්තාවන් අධ්‍යයනය කළ කීර්තිමත් ජනමාධ්‍යවේදිනියක් වූ නයෝමි වුල්ෆ් තමා විසින් ලියන ලද “යක්ෂයාට මුහුණදීම”(Facing The Beast) නම් කෘතියේ සඳහන් කර ඇත්තේ “mRNA එන්නත් සැලසුම් කර ඇත්තේ මානව ප්‍රජනන ක්‍රියාදාමයට ප්‍රහාරයක් එල්ලකිරීම සඳහා ” බවය. එමෙන්ම “ඒ එන්නත් මගින් බිළිඳු දරුවන්, කළල වලට මහා පරිමාණවශයෙන් හානි සිදුකරන අතර, මෙම ෆයිසර් සායනික පරීක්ෂණ වාර්තා කියවන ලද එක්සත් ජනපදයේ ආහාර සහ ඖෂධ පාලනාධිකාරියේ (Food and Drug administration-FDA) සියලු දෙනා මෙම තොරතුරු ඉතා හොඳින් දැන සිටි” බවත් ඇය සිය කෘතියේ සඳහන් කර තිබේ.
චමින්ද මාතොට “..එහෙම බැලුවම මේ කොවිඩ් ආසාදන තත්ත්වය එක්ක ගර්භනී මවට ඇතිවිය හැකි සංකූලතා සහ දරුවාට ඇතිවිය හැකි සංකූලතා ඉතා දරුණුයි. ඒ වගේම මේ කොවිඩ් එන්නත නිසා ගර්භනී මවට හෝ දරුවාට සංකූලතා ඇති වෙනවා කියලා මේ දක්වා කිසිම විද්‍යාත්මක සාක්ෂියක් ලැබිලා නැහැ. එතකොට මේ කරුණු සංසන්දනය කරලා බැලුවම තමයි ලෝකයේ සියලුම විශේෂඥ වෛද්‍යවරුන්ගේ විද්‍යාතන මේ වෙනකොට කොවිඩ් එන්නත නිර්දේශ කරලා තියෙනවා. ඒ වාගේම ලංකාවේ අපි දැන් මාස දෙකක් විතර කාලයක් තිස්සේ මේ කොවිඩ් එන්නත නිර්දේශ කරලා තියෙනවා. මේ නිර්දේශ වුණත් කාලෙන් කාලෙට වෙනස් වුණා. මොකද අපි මුලදී මේ එන්නත නිර්දේශ කරන අවස්ථාවේ ලංකාවේ තිබුණ තත්ත්වය නෙමෙයි අද තිබෙන්නේ. ඒ නිසා මේ එන්නත් කිරීමේ නිර්දේශ පවා වෙනස් වුණා. මේ වනවිට අපි නිර්දේශ කරන්නේ සියලුම ගර්භණී මවුවරුන් ට කොවිඩ් එන්නත ලබා දෙන හැටියට.”
කොවිඩ් 19 එන්නත් ගැබිණි මවට සුදුසුද? එන්නත නොගැනීම අවදානම්ද? ප්‍රසව හා නාරිවේද විශේෂඥ වෛද්‍ය චාමින්ද මාතොට සහභාගිවූ ජාතික රූපවාහිනියේ නුගසෙවණ සජීවී සාකච්ඡාව. 2021.08.
මෙම කොවිඩ්-19 mRNA එන්නත් ගර්භණී මවුවරුන් සඳහා ” ආරක්ෂිත සහ ඵලදායික” බවට නිර්දේශ කර ඇත්තේ මීයන් 44ක් යොදාගෙන කරන ලද සත්වයින් යොදාගෙන කරන ලද අධ්‍යයන පරීක්ෂණ මට්ටමේ වාර්තාවලට අනුවය. මෙම අධ්‍යයනයන් කරන ලද විද්‍යාඥයන් වූකලී ෆයිසර් බයොන්ටෙක් (Pfizer-BioNTech) සමාගමේ කොටස් හිමිකරුවෝ වෙති.
දරුවන් ලැබීම මගින් අප ලද මානව සංතුෂ්ටිය අපගේ දරුවන්ටද යළි විඳීමට අවස්ථාවක් ලැබේද? අවාසනාවකට මෙන් බොහෝ දුරට ඉඩ ඇත්තේ එවැන්නක් සිදු නොවීමටයි.
මෙම කොවිඩ්-19 එන්නත් උපත්පාලනය සඳහා යොදාගන්නා ලද වෙනත් නාමයක්ද?
අප්‍රිකානු ස්වදේශික නායකයෙකු වරෙක මෙසේ ප්‍රකාශ කළ බවට සඳහන් වේ.
“ඔවුහු (යුරෝපීය ආක්‍රමණිකයන්) අපගේ දේශයට පැමිණ අපගේ දෑත් මත බයිබලය තබා දෑස් වසා යාඥා කරන ලෙස උගන්වන ලදි. අප යළි දෑස් හැර බලන විට අප සතුව තිබුනේ බයිබලය පමණක් වන අතර ඔවුහු අපගේ භූමිය අත්පත් කරගෙන සිටියහ.”
මෙය යළිත් වරක් සිදුවෙමින් පවතින්නේද? නැතහොත් එය නොනැවතී දිගටම සිදුවෙමින් පැවතුණේද?
එසේ නොමැතිනම් ලෝක සෞඛ්‍ය සංවිධානය වැනි ශ්‍රේෂ්ඨ මුග්ධයෙකුට, අපගේ මානව ප්‍රතිශක්ති පද්ධතියට ඉතා පහසුවෙන් පරාජය කළ හැකි වාතය මගින් විසරණය වන වෛරසයක් මගින් ඇතිවන ආසාදනයක් වැළැක්වීම සඳහා හානිකර බව පිළිබඳ කිසිදු පරීක්ෂණයක් සිදු නැති සහ සුරක්ෂිතතාව සහ ඵලදායික බව පිළිබඳ කිසිදු සහතිකයක් නොමැති විෂ සහිත එන්නතක් මගින් දරුවන්ව එන්නත් කිරීමට නියෝග දෙමින් වෛද්‍යමය මැදිහත්වීමක් කිරීමට අවස්ථාවක් ලැබුණේ කෙසේද? ලෝක සෞඛ්‍ය සංවිධානය සිය අභිමතය පරිදි හසුරුවන යටත්විජිතවාදි හාම්පුතුන්ගේ කෲර අභිමතාර්ථ සාධනය කරනු පිණිස අපි නැවැත ආපසු හැරවිය නොහැකි හානියක් සිදුකරන එන්නත්වලින් අපගේ දරුවන්ව එන්නත් කළෙමු.
ශ්‍රේෂ්ඨ ලෙබනන කවියෙකු වූ ඛලීල් ජිබ්රාන් “ළමයින් ගැන” නම් සිය කවියේ මෙසේ සඳහන් කර තිබේ.
“ඔබගේ දරුවන් යනු ඔබගේ දරුවො නොවෙති. ඔවුහු සදාකාලික ජීවනයේ දරුවො වෙති. ඔබට ඔබගේ දරුවන්ට ආදරය ලබාදිය හැකිය. නමුත් ඔබගේ චින්තනය ලබාදිය නොහැකිය. ඔවුන්ට ඔවුන්‌ගේම චින්තනයක් තිබේ. ඔබට ඔවුන්ගේ ශරීරය සඳහා නිවහනක් ලබාදිය හැකිය. නමුත් ඔවුන්ගේ ආත්මය සඳහා නිවහනක් තැනීමට ඔබට නොහැකිය. ඔවුන්ගේ ආත්මයන් ජීවත්වනු ඇත්තේ අනාගතය නැමැති නිවහන තුළය.”
අපි අපගේ දරුවන් වෙතින් ඔවුන්ගේ අනාගතය උදුරාගෙන ඇත්තෙමු. අප සතුව ආචාර ධාර්මික හෝ සදාචාරමය වටිනාකම් තවදුරටත් ඉතුරුව නොමැතිද? සත්තකින්ම අප විසින් දරුවන්ගේ මේ ඉරණම පිළිබඳව නොසළකා හැර තිබේද? දරුවො සිය රැකවරණය පිළිබඳව සමාජය කෙරෙහි විශ්වාසය තබති. කායිකව සහ මානසිකව දරුවන්ගේ ආරක්ෂාව සහතික කිරීම අප සැමගේ සාමූහික වගකීමක් නොවන්නේද?
එසේ කිරීම වෙනුවට අපි නිවටයන් සහ මුග්ධයන් ලෙස අධිරාජ්‍යවාදි නියෝග පිළිපැද ඇත්තෙමු. අපි දරුවන්ගේ පාසල් වසා දමා පිළිකා කාරක මුව වැසුම්වලින් ඔවුන්ගේ හුස්ම හිර කළෙමු. අප අධිරාජ්‍යවාදි වහල් බැමිවලින් මිදීමට සමත්ව ඇතැයි මොහොතකටවත් කල්පනා නොකළ යුතුය. සෑම විටෙකම සිදු වූ පරිදි ඔවුන් විසින් මෙවරද අපව වහලුන් බවට පත්කර තිබේ. ඔවුන්ගේ ආර්ථික බලය තහවුරු කරගැනීම සඳහා ඔවුන් විසින් නිර්මිත මිථ්‍යාවන් විසින් අපගේ මනස යටත් කරගෙන තිබේ.
ස්වදේශිකයා වහල්භාවයේ ගිල්වා තබමින් සිය ආර්ථික බලය සඳහා වන අභිමතාර්ථ සාධනය කරගැනීමට අධිරාජ්‍යවාදය නිර්මාණය කරන ලද මිථ්‍යාවන් විසින් අපගේ මනස ග්‍රහණයට ගෙන තිබේ. අප වෙත ලබා දුන් අධ්‍යාපනය හා අප ලද නිදහස පිළිබඳ ඝෝෂාවන් කුමක් වුවද අපි තවමත් ජීවත්වන්නේ අර ස්වදේශික වහලුන් ලෙසය.
ඒඩ්ස්, පිස්සු ගව රෝගය, ඌරු උණ, කුරුළු උණ, එබෝලා, සිකා වැනි විවිධ ආඛ්‍යානයන් ගොඩ නගමින් මාරාන්තික වෛරසයක් පිලිබඳ මෙම ප්‍රෝඩාකාරි ආඛ්‍යානය තහවුරු කිරීමට වසර ගණනාවක් තිස්සේ උත්සාහ දරන ලදි. නමුත් එය සාර්ථක වූයේ 2019 කොවිඩ් ආඛ්‍යානය සමගය. එය කිරීමට ඔවුන්ට හැකි වූයේ එම දැවැන්ත ප්‍රෝඩාකාරි ආඛ්‍යානය මගින් සමස්ත මිනිස් වර්ගයා යටපත් කිරීමට නම් ඒ සඳහා යොදාගත යුතු වූ සියලු ජාතික සහ ජාත්‍යන්තර බලමධ්‍යස්ථාන, රාජ්‍ය ආයතන, ජන මාධ්‍ය, දේශපාලන පක්ෂ සහ වෘත්තිය සමිති සහ සිවිල් සමාජය ආදිය මෙම කොවිඩ්-19 ප්‍රෝඩාකාරි වසංගත ආඛ්‍යානය පිටුපස සිටින දැවැන්ත බලවේගවල නියෝජිතයන්ගේ ග්‍රහණයට සැලසුම් සහගතව යටත් කිරීමට හැකිවීම හේතුවෙනි. ඒ සියලු මර්මස්ථාන වල ඔවුන්ගේ නියෝජිතයන්ව ස්ථානගත කිරීම දිගුකාලයක් තිස්සේ කිසිවෙකුගේ අවධානයට ලක් නොවී සිදුවෙමින් පැවතිණි.
සත්‍යයේ ආලෝකය නිවා දමන ලද්දේ අධිරාජ්‍යවාදි දඩයම්කරුවන්ට අන්ධකාරය තුළ ජනතාව දඩයම් කිරීම පහසුවනු පිණිසය.
මාධ්‍ය විසින් මෙම ප්‍රෝඩාකාරි ආඛ්‍යානය ප්‍රවර්ධනය කරන ලදි. රෝගින්ගේ පිරී ඉතිරී ගිය වාට්ටු, ශ්වසන ආධාරක හිඟය, ආදාහනාගාර වෙත මළ සිරුරු රැගෙන යන හමුදා ට්‍රක්රථ, මහමග වැරී වැටෙන ගැහැණුන් සහ මිනිසුන් පිළිබඳ පුවත් ජනමාධ්‍ය විසින් අතොරක් නැතිව වපුරන ලදි. එහි රාමුව මගින් සීමාවුණු නිශ්චල ද්‍රව්‍ය පිළිබඳ සිතුවමක් පුවත්පත්වල සිරස්තල තුළටත් රූපවාහිනි නිවේදන තුළටත් යථාර්ථය සංකෝචනය කරන ලදි. රාමුවෙන් පිටතවූ සත්‍යය බැහැර කර දමනු ලැබිණි.
ශ්වසන ආධාරක යන්ත්‍රවලට සවිකර ආයාසයෙන් ජීවිතයේ එල්ලී සිටියවුන් මාරාන්තික පිළිකා රෝග, පෙණහලු රෝග, නිව්මෝනියා හෝ අනෙකුත් නිදන්ගත රෝග වලින් පෙළෙමින් සිටියවුන් බවත්, විවිධ ඖෂධ ආශ්‍රිත රෝගවලට ගොදුරු වූ වයස්ගත අය බවත් එම පුවත් සහ නිවේදන මගින් නොකියවිණි. එමෙන්ම මළමිනී පුරවාගත් හමුදා ට්‍රක්රථ පිළිබඳ සත්‍යයද අනාවරණය නොකෙරිණි.
මේ දක්වා වෛරස් රෝගීන්ගේ සෞඛ්‍ය තත්ත්වය යහපත් අතට හැරවීමට භාවිතා කළ ඖෂධ සහ ප්‍රතිකාර ක්‍රම ඉවත්කරන තහනම් කරන ලද බවත්, කොවිඩ්-19 සම්බන්ධව ප්‍රතිකාර කළයුතු නව මාර්ගෝපදේශනයන් වෛද්‍යවරුන් සඳහා නිකුත් කළ බවත් පුවත්පත් සහ රූපවාහිනි ආයතන වාර්තා කළේ නැත.
අයිවමෙක්ටින් සහ හයිඩ්‍රොක්ලෝරෝක්වින් ඖෂධයන්ට අයත් වූයේ එම ඉරණමයි. දෝෂ සහගත අධ්‍යයන පත්‍රිකාවක් යොදාගනිමින් ලෝක සෞඛ්‍ය සංවිධානය විසින් අයිවමෙක්ටින් සහ හයිඩ්‍රොක්ලෝ ක්විනින් අනතුරුදායක බවට ආඛ්‍යානයක් ගොඩ නංවන ලදි.
මෙම ඖෂධයන් අදාළ පරීක්ෂණය තුළ දක්වන ලද හානිකර බවට හේතුවූයේ එම පරීක්ෂණය මෙහෙයවන ලද ලෝක සෞඛ්‍ය සංවිධානයේ විද්‍යාඥයා එම ඖෂධවල 3000 mg තරම් ඉහළ මාරාන්තික මාත්‍රාවක් භාවිතා කිරීම හේතුවෙනි. ඉහත ඖෂධ තහනම් කිරීමට ලෝක සෞඛ්‍ය සංවිධානය පියවරගත්තේ මෙම මාරාන්තික වංචාව පිලිබඳව හොඳින් දැනුවත්වමය. දශක ගණනාවක් පුරා කරන ලද විවිධ අධ්‍යයන මගින් ඉහත ඖෂධවල මිලිග්‍රෑම් 50/60 අතර යොදාගනිමින් සිදු කළ ප්‍රතිකාරවලදී ලබාගෙන තිබූ සාර්ථක ප්‍රතිඵල පිළිබඳ අධ්‍යයන පත්‍රිකා සිය ගණනක් තිබුණද ලෝක සෞඛ්‍ය සංවිධානය විසින් ඒවා නොතකා හරින ලදි.ලෝක සෞඛ්‍ය සංවිධානයට එම සුරක්ෂිත සහ කාර්යක්ෂ්ම හොඳින් දන්නා පැරණි ඖෂධ අවශ්‍ය වූයේ නැත. එයට අවශ්‍ය වූයේ ජනගහණය වන්ධ්‍යකරණයට සහ රෝගීන් බවට පත්කිරීමට අවශ්‍ය නව තාක්ෂණයන් භාවිතයේ යෙදවීමටය. ඒ මගින් මෙම කුමන්ත්‍රණයට හවුල්වූ ඖෂධ සමාගම්වලට ඩොගර් බිලියන සිය ගණන් උපයාගැනීමට සලසන අතරම අපගේ රට සහ අපගේ දරුවන් ඒවායේ පළමු ගොදුර බවට පත්කරන ලදි.
ලෝක සෞඛ්‍ය සංවිධානයේ උපදෙස් පරිදි කොවිඩ්-19 මරණ ලියාපදිංචි කිරීම සඳහා නව මාර්ගෝපදේශනයක් නිකුත් කරන ලද බවත් ඒ අනුව කොවිඩ්-19 යැයි සැක කෙරෙන කවර හෝ මරණයක් කිසිදු පරීක්ෂණයකින් තොරවම කොවිඩ්-19 මරණ ගොන්නට ඇතුළත් කිරීමට චක්‍රලේඛ සෞඛ්‍ය අමාත්‍යාංශයේ ලේකම්වරයා නිකුත් කරන ලද බවත් පුවත්පත් සහ රූපවාහිනි ආයතන වාර්තා කළේ නැත.
නමුත් මේ කිසිවක් අලුත් ඒවා නොවේ. රෝගවලට හේතුව පිළිබඳ ක්ෂුද්‍ර ජීව න්‍යායේ උපතේ සිට මේවා නැවත නැවතත් භාවිතයේ යෙදවීමට උත්සාහ කළ දේවල්ය. නමුත් එහි පූර්විකාව වූකලී ඒඩ්ස්ය.
ඒඩ්ස් යනු සැබැවින්ම කුමක්ද?
ස්වදේශික ජන ප්‍රජාවන් සංහාරය කරමින් යටත් විජිත ජනපද පිහිටවූ ඇමෙරිකාවේත් ඊශ්‍රායලයේත් ඒකාධිකාරි ඖෂධ සමාගම්වලට කෙට්ටුව වැහැරීගිය සමලිංගිකයන්ගේ මරණ දෙවියන් විසින් ලබාදුන් තෑග්ගක් බඳු විය.
ඔවුන්ගේ එක් දිවැසි විද්‍යාඥයෙකු නොබෙල් ත්‍යාගය ලබාගැනීමේ අපේක්ෂාවෙන් ඉදිරිපත්කළ න්‍යායක් වූයේ ඒඩ්ස් රෝගය වැළඳෙන්නේ වෛරසය මගින් යන්නය. නොබෙල් ත්‍යාගය යනු මානව වර්ගයාට සිය සහජ අවබෝධයේ අගයටද වඩා සංවේදී එකක් බව අපි දනිමු. එපමණක් නොව එම රෝගය ස්පර්ෂය, සිපගැනීම, ලිංගික ස්‍රාවයන් හුවමාරුව, හෝ වැසිකිලි ආසන මත වාඩි ගැනීම ආදියද ඇතුළුව ලිංගික ක්‍රියාකාරකම් ආශ්‍රිතව බෝ වන්නක් බවට ප්‍රකාශයට පත්කරන ලද්දේ ඒ පිළිබඳව කිසිදු විද්‍යාත්මකසාක්ෂියක් නොමැතිවමය.
නමුත් ඒඩ්ස් යනු සැබැවින්ම කුමක්ද?
ඒඩ්ස් රෝගින් විසින් සෙසු රෝගවලින් වෙනස් කර දැක්විය හැකි රෝග ලක්ෂණ පෙන්නුම් කළේද?
නූතන ක්ෂුද්‍රජීවි දඩයම්කරුවන් හෙවත් විද්‍යාඥයන් විසින් විශේෂිත ඒඩ්ස් වෛරසයක් සොයාගෙන තිබේද?
නැත, ඒඩ්ස් යනු රෝග ලක්ෂණ ගොන්නක් සඳහා දෙන ලද නාමයක් මිසෙක නිශ්චිත රෝගයක් නොවේ. මේ අතර එම පොදු රෝග ලක්ෂණ ඇතැම් සමලිංගිකයන් අතර ද දක්නට ලැබිණි. ඒඩ්ස් රෝගය බවට තහවුරු කරන ලද රෝග ලක්ෂණ වූකලී “කාපොසි සාර්කොමාව” (Kaposi’s sarcoma) , නිව්මෝනියාව(pneumonia), ක්ෂයරෝගය(tuberculosis ) සහ පාමන් රෝගය (shingles) ආදියයි.
සහජ ප්‍රතිශක්තිකරණ ඌනතා සහලක්ෂණය නැතහොත් හෝ ඒඩ්ස් (Acquired immune deficiency syndrome or AIDS), එය සාමාන්‍යයෙන් දන්නා පරිදි, රසායනික චිකිත්සක රෝගීන් තුළද දැකිය හැකි රෝග ලක්ෂණ මාලාවකි. 1970 ගණන්වලදී මෙම රෝග ලක්ෂණ පිළිකා නොමැති සමලිංගික පිරිමින් අතර ද දක්නට ලැබිණි.
විනෝදාස්වාදය සඳහා මත්ද්‍රව්‍ය භාවිතය වැනි බොහෝ පොදු කරුණු මෙම පිරිමින් අතර පැවතියද, ලිංගික චර්යාවන් පමණක් පොදු හරයක් ලෙස ගෙන ඔවුන් තුළ පවතින්නේ යැයි සැක කළ ක්ෂුද්‍ර ජීවීන් හඳුනාගැනීම සඳහා පරීක්ෂණයක් සකස් කරන ලදී. එය වර්තමානයේ දී කොවිඩ්-19 රෝගීන් හඳුනා ගැනීම සඳහා PCR පරීක්ෂණය යොදාගැනීමට සමාන විය. අවසානයේදී HIV වෛරස් න්‍යාය තරඟයෙන් ජයග්‍රහණය කරන ලදි.
ඉහත පරීක්ෂණය මගින් HIV වෛරස් ආසාදනයක් නොමැති බවට හඳුනාගන්නා ලද රෝගීන් අතර ද මේ සියලු රෝග ලක්ෂණ පැවැතියද එම කරුණ නොතකා හැරිණි. ‘එක් රෝගයක්, එක් වෛරසයක්’ යන අලෙවිකරණ ප්‍රචාරක ව්‍යාපාරය ව්‍යාප්ත විය. මෙම අලෙවිකරණ ප්‍රචාරක ව්‍යාපාරය විසින් HIV පොසිටිව් ප්‍රතිඵල ලද්දවුන්ට මරණ වරෙන්තු නිකුත් කරන ලදි. මෙම ප්‍රචාරක ව්‍යාපාරය සමලිංගිකයන්ගෙන් නතර නොවුණු අතර ඔවුන්ගේ විෂමලිංගික ආදරවන්තයන්ටද ආසාදනය පැතිරෙන බවටද ඔවුන්ගෙන් ඔවුන්ගේ ස්ත්‍රී ලිංගික ආදරවන්තියන්ට සහ බිරින්දන්ටද සහ ගණිකාවන්ටද පැතිරෙන බවටද ප්‍රකාශ විය. අවසානයේදී සියලු මනුෂ්‍ය වර්ගයා මරණයට පත්වන බවට සංඛ්‍යා විද්‍යාත්මක ආකෘති ඉදිරිපත් කරමින් මෙම ප්‍රචාරයන් තහවුරු කරන ලදි.
HIV ආසාදිතයන් සොයාගනු ලැබීම සඳහා ඉදිරිපත්කළ හැකි පරීක්ෂණයෙන් “පොසිටිව්” ලෙස හඳුනාගැනීම ඒඩිස් රෝගය වැළඳීමට සමාන කිරීම ආරම්භ කළ අතර මේ දෙකටම ගැලපෙන ද්විත්ව ඖෂධයන් අලෙවි කිරීම සඳහා තරඟය ආරම්භ විය.
මෙහිදී ලෝකය වෙතින් සඟවන ලද කරුණක් වූයේ මෙම සමලිංගිකයන් සමලිංගිකයින් ගුද සුසුම්නාව විස්තාරණය කරන නයිට්‍රෝ ග්ලිසරයිඩවලින්(nitro glycerides ) සාදන ලද ‘පොපර්ස්’(Poppers) නමැති විනෝදාස්වාද මත්ද්‍රව්‍ය භාවිත කළ අය බවයි. ‘පොපර්ස්’ යනු එක්සත් ජනපද සමලිංගිකයන් අතර බහුලව භාවිතාවන විනෝදාස්වාදය සඳහා වූ ඖෂධයකි.‘පොපර්ස්’ අසීමිතව භාවිත කිරීම නිසා කේශනාලිකාවලට සිදු වූ හානිය හා පරිහානිය ඔවුන්ගේ සම මත කපෝසිගේ සාර්කෝමා තුවාල ඇතිවීම මගින් පැහැදිලි විය. මෙම රෝගී තත්ත්වය සහ දැඩි ලෙස ප්‍රතිශක්තිය අඩු වූවන් පමණක් පීඩාවට පත් කෙරෙන නියුමෝනියා රෝගයක සාමාන්‍ය ලක්ෂණ (පොපර් භාවිතයෙන් සිදු වූ) එකට එකතු කර සහජ ප්‍රතිශක්තිකරණ ඌනතා සහලක්ෂණය නැතහොත් හෝ ඒඩ්ස් ලෙස හැඳින්වනු ලබයි.
නියමිත චර්යා සම්මතයන් තුළ ජීවත් වූ බහුතරයක් අතර ප්‍රතිශක්ති ඌනතාව සාමාන්‍යයෙන් දක්නට නොලැබේ. ඒඩ්ස් ඇති කළේ ගුද සංසර්ගය නොව ලිංගික උත්තේජක රසායනික ද්‍රව්‍ය භාවිතය බව ජනතාවට හෙළිදරව් වූයේ නැත.
ඒ වෙනුවට, ඒඩ්ස්, ශරීරය වැහැරීම සහ ක්‍රමානුකූලව මරණයට පත්වීම සඳහා එච්.අයි.වී පොසිටිව් යනු පූර්ව අවශ්‍යතාවයක් බවට බොරු කියමින් ඔවුන් මානසික වධ බන්ධනවලට ලක් කරන ලදී.
එහෙත් HIV පොසිටිව් වූවන් වසරක් හෝ වසර 10ක කාලයක් තිස්සේ රෝග ලක්ෂණ නොමැතිව පවතින බීජෞෂණ කාලයකට පසුව ඒඩ්ස් රෝගය වැළඳීමෙන් ක්‍රමානුකූලව වැහැරී අවසානයේ මරණයට පත්වන බවට ප්‍රචාරය කරමින් ඔවුන්ව මානසික වධබන්ධනයන්ට ලක් කරන ලදි.
රෝග බෝ කරන ක්ෂුද්‍ර ජීවියෙකුගේ දීර්ඝ බීජෞෂණ සමය පිළිබඳ න්‍යාය ඖෂධ සමාගම්වලට ලාභ ඉපැයිම සඳහා යහපත් මාවතක් විවර කරනලදි. ඔවුන් සම්පූර්ණවශයෙන් සෞඛ්‍ය සම්පන්නවූවන් බව නොසළකා හරිමින් අධික විෂ සහිත රසායනික සංයෝගයක් වන ඇසිඩෝතයිමිඩින් (Azidothymidine – AZT) සියලු HIV පොසිටිව් වූවන්ට “ප්‍රතිකාර” කිරීම සඳහා යොදාගන්නා ලදි. අතිශය මිල අධිකවිෂ රසායනිකයක් වූ මෙම “ඖෂධය” සංවර්ධනය කරන ලද්දේ එක්සත් ජනපදයේ ආසාත්මික සහ ආසාදක රෝග සඳහාවන ජාතික ආයතනයේ (US National Institute of Allergy and Infectious disease – NIAID) ප්‍රධානි ඇන්තනි ෆවුචී (Anthony Fauci ) විසිනි. මෙම ඇන්තනී ෆවුචී යනු අන්කිසිවෙකුත් නොව ඊනියා කොවිඩ් වසංගතයක් ගැන අනාවැකි පළකළවුන්ගෙන් නැතහොත් එම ප්‍රෝඩාවේ නිර්මාතෘවරුන්ගෙන් එක් අයෙකි. නිරෝගී පුද්ගලයන් HIV පොසිටිව් වූවන් නැතහොත් ඒඩ්ස් රෝගීන් ලෙස නම් කරන ලද්දේ පසුගිය වසරවලදී නිරෝගී පුද්ගලයන් ප්‍රෝඩාකාරි පරීක්ෂණයක් මගින් කොරෝනා රෝගීන් ලෙස හංවඩු ගසන ලද ආකාරයටමය.
ඒඩ්ස් ප්‍රතිකාරක ඖෂධයේ මාරාන්තික අතුරු ආබාධ
ඇසිඩෝතයිමිඩින් (AZT) වලට ඒඩ්ස් රෝගය සුව කළ නොහැකි වූයේ එය රෝගයක් නොවූ බැවිනි. ඒඩ්ස් වලට හේතුවූයේ ජීවනචර්යාවන් සඳහා කරන ලද තෝරාගැනීම් මිසක ස්වභාවධර්මය නොවේ. ඇසිඩෝතයිමිඩින් (AZT) වලට හිමිවිය යුතු තැන වූයේ ඖෂධ විද්‍යාත්මක සොයාගැනීම්වල කුණු බක්කියයි. නමුත් වර්තමානයේදී කොවිඩ්-19 එන්නත් ප්‍රචාරක ව්‍යාපාරයේදී සිදු වූ පරිදිම එය උත්කර්ෂයට නංවමින් දස දහස් සංඛ්‍යාත සෞඛ්‍ය සම්පන්න”HIV පොසිටිව් වූවන්” වෙත අලෙවි කරන ලදි. ඇසිඩෝතයිමිඩින් (AZT) ගත් සියලු දෙනා එහි අන්තර්ගත විෂ රසායනික ද්‍රව්‍ය හේතුවෙන් ලියුකේමියා වැනි රෝගවලට ගොදුරුව මරණයට පත්වූහ. ඒඩ්ස් රෝගය ඉමහත් අවධානයකට යොමු වූයේ රොක් හඩ්සන් වැනි හොලිවුඩ් නළුවෙකුට එය වැළඳී ඇතැයි යනුවෙන් පළවූ පුවත් හේතුවෙනි. ඔහු බහුල වශයෙන් “පොපර්” භාවිතා කරන්නෙකුවිය. කෙසේ වුවද ඔහුගේ දිගුකාලීන ලිංගික සහකරුට කිසිකලෙකත් ඒඩ්ස් ආසාදනයකට ලක් නොවූ බව මහජනතාවගෙන් වසං කෙරිණි. මැජික් ජොන්සන් වැන්නවුන්ට දිවි ගලවාගත හැකි වූයේ ඔවුන් මෙම “ඖෂධය” දිගටම භාවිතා කිරීම ප්‍රතික්ෂේප කළ නිසාය. ඒඩ්ස් යනු කිසි කලෙකත් ලිංගිකව සම්ප්‍රේෂණය වන රෝගී තත්ත්වයක් නොවීය. එය මත්ද්‍රව්‍ය සහ ඖෂධ සමාගම් විසින් නිෂ්පාදනය කළ රසායනික සංයෝග භාවිතයේ ප්‍රතිඵලයක් විය.
ඉන්පසුව, ලෝක සෞඛ්‍ය සංවිධානය ප්‍රසිද්ධියේ මඩ ගැසීමේ ව්‍යාපාරයක් අප්‍රිකානු ජනතාවට එරෙහිව දියත් කරමින් සල්ලාලකම, ලිංගික ම්ලේච්ඡත්වය සහ අධික සුඛෝපභෝගිත්වය සමඟ අප්‍රිකාව සම්බන්ධ කරමින්, ඒඩ්ස් අප්‍රිකාවට ගෙන ගියේය.
එවකට සන්ඩේ ටයිම්ස් වෛද්‍ය වාර්තාකරු ඒඩ්ස් රෝගය පිළිබඳව හැදෑරීමට අප්‍රිකාවට පියාසර කරන විට, ඔහුට මුණ ගැසුණ විවිධ රෝගවලට ලක්වූවන්ගෙන් ඔවුන්ගේ රෝගය කුමක්දැයි ඔහු විමසූ විට ඔහුට ලැබුණ පිළිතුර වූයේ ‘ඒඩ්ස්’ යන්නයි.
එහෙත්, ඔහු අප්‍රිකානු ඒඩ්ස් වල ස්වභාවය අධ්‍යයනය කළ විට, ඔහු සොයා ගත්තේ “ඒඩ්ස්” යැයි නම්කරන ලද රෝගීන් සැබෑ වශයෙන්ම පෙළෙමින් සිටියේ ක්ෂය රෝගය, නිදන්ගත පාචනය, මැලේරියාව, ලාදුරු, මන්දපෝෂණය යනාදියෙන් බවයි. ඔහු මේ පිළිබඳව ලියන ලද ලිපියේ අවසාන වශයෙන් සඳහන් කළ නිගමනය වූයේ” මේ සියලු රෝග අප්‍රිකාවේ කාලයක් තිස්සේ පැවැතිණි. නමුත් ඖෂධ විකිණීමේ තරඟය සඳහා ඖෂධ සමාගම් විසින් දියත් කරන ලද බියගැන්වීමේ නව ප්‍රචාරක ව්‍යාපාරය තුළ මනුෂ්‍යයාගේ උපතේ සිට පැවති සෑම රෝගයක්ම ‘ඒඩ්ස්’ ලෙස හැඳින්විණි.”
ඒඩ්ස් යනු නව රෝගයක් නොවීය. එය පැරණි රෝග අලුතෙන් නම් කිරීමක් පමණක් විය. ඊනියා කොරෝනා වසංගතය තුළ සිදුවූයේ ද මෙයමය. කැස්ස, සෙම්ප්‍රතිශ්‍යාව, රස, සුවඳ නොදැනීම කොරෝනා ලෙස හැඳින්විණි. PCR පරීක්ෂණයෙන් පොසිටිව් ප්‍රතිඵල ලැබීම මගින් මෙම බොරුව තහවුරු කෙරිණි.ආසාදන හඳුනාගැනීමේදී PCR හි කාර්යක්ෂමතාවය කුප්‍රකට වංචාවක් බව එහි නිර්මාතෘ නොබෙල් ත්‍යාගලාභී කෙරී මුලීස්ට වරෙක ප්‍රකාශ කිරීමට සිදුවූයේ මෙම පරීක්ෂණය ව්‍යාජ ලෙස යොදාගැනීමට බලගතු බලවේග විසින් දරමින් සිටින උත්සාහය පිළිබඳව ඔහු තුළ අවබෝධයක් වූ බැවිනි. ඔහු මෙසේ ප්‍රකාශ කළේය.
” HIV ආසාදනය සඳහා පොසිටිව් ප්‍රතිඵල විශාල සංඛ්‍යාවක් පීසීආර් මගින් ලබාගැනීමට පෙර ඔවුන් අප්‍රිකාවේ සෑම කෙනෙකු තුළම මැලේරියා රෝගය සඳහා ප්‍රතිදේහ ඇතිබවත් PCR පරීක්ෂණයකට ලක් කරන විට පොසිටිව් ප්‍රතිඵල ලබාදෙන බව ඔවුන් අවබෝධ කරගෙන තිබිණි.”
ඒඩ්ස් රෝගය සහ වෛරසය අතර සම්බන්ධතාව පිළිබඳ ආඛ්‍යානයන් ගැන විවිධ විද්‍යාඥයන්ගේ මත
“AIDS රෝගයට හේතුවන්නේ HIV වෛරසය බවට සාක්ෂි ඇත්නම් එම කරුණ තනි තනිව හෝ සාමූහිකව සනාථ කෙරෙන හෝ අවම තරමින් ඒ සඳහා විශාල හැකියාවක් පවතින බවට දැක්වෙන විද්‍යාත්මක ලේඛන පැවතිය යුතුය. නමුත් එවැනි කිසිදු ලේඛනයක් නොපවතී.”
ආචාර්ය කේරී මුලීස් (Kary Mullis), ජීව රසායන විද්‍යාඥ , 1993 රසායන විද්‍යාව සඳහා නොබෙල් ත්‍යාගලාභි
(සන්ඩේ ටයිම්ස් (ලන්ඩන්) 1993 නොවැම්බර් 28)
“HIV යනුවෙන් හැඳින්වෙන වෛරසය පවතින බවට අද දක්වාම සැකයකින් තොරව සනාථ කරන ලද කිසිදු විද්‍යාත්මක සාක්ෂියක් ඉදිරිපත්කොට නැත. සම්භාව්‍ය වෛරස් විද්‍යාත්මක විධික්‍රම වලට අනුව එවැනි රෙට්‍රො-වෛරසයක් පිරිපහදු කොට වෙන්කර හඳුනාගැනීමක් පවා සිදුකර නොමැත.”
වෛද්‍ය, මහාචාර්ය, හයින්ස් ලුද්විග් සේඟර් (Heinz Ludwig Sanger), ජර්මනියේ මියුනික්හි මැක්ස් ප්ලාන්ක් ජීව රසායන විද්‍යා ආයතනයේ මොලිකියුල ජීව විද්‍යාව සහ වෛරස් විද්‍යාව පිළිබඳ මහාචාර්ය, 1978 රොබර්ට් කොක් සම්මානලාභි ( සූඩ්ඩොයිෂර්සයිටුන්ග් සඟරාව වෙත 2000දී ලියන ලද ලිපියෙන්)
“HIV වෛරසය සහ කිසිදු රෝගයක් අතර පවත්නා සම්බන්ධතාව තහවුරු කර ඇතැයි යන්න මට පිළිගත නොහැකිය. HIV සහ AIDS රෝගය අතර සම්බන්ධතාව පිළිබඳ අයෝග්‍ය සහ සාවද්‍ය සංඛ්‍යා දත්ත විද්‍යාත්මක ආයතනවල ඉහළ සාමාජිකයන් විසින් නොසැළකිල්ලෙන් හෝ වගකීම් විරහිතව හෝ අනුමත කර ඇති බවට සාක්ෂි විශාල ප්‍රමාණයක් මම දැක ඇත්තෙමි. එසේ කිරීම මගින් ඔවුහු AIDS රෝගයේ සවභාවය පිළිබඳව මාධ්‍ය විසින් ගෙනයන සාවද්‍ය තොරතුරු ප්‍රචාරණයට ඔවුහුද එක්වී සිටිති.”
මහාචාර්ය සෙර්ගේ ලාන්ග් (Serge Lang), යේල් විශ්ව විද්‍යාලයේ ගණිත විද්‍යා අංශය,(Yale Scientific සඟරාව, 1994 සරත් කලාපය)
” HIV වෛරස් ආසාදනය මගින් ඒඩ්ස් රෝගය වැළඳෙන බව විද්‍යාත්මකව සාධනය කොට නැත. එමෙන්ම එය අදාළ රෝගී තත්ත්වය කෙරෙහි කිසිදු බලපෑමක් නොමැති බවටද සනාථ කොට නැත.”
මහාචාර්ය හැරී රුබින් (Harry Rubin), මොලිකියුල සහ සෛල ජීව විද්‍යාව පිළිබඳ මහාචාර්ය, බාර්ක්ලේහි කැලිෆෝනියා විශ්වවිද්‍යාලය (සන්ඩේ ටයිම්ස් (ලන්ඩන්) 1994 අප්‍රේල් 03)
“අතීතයේදී ස්වකීය අනුමානය ඔප්පුකිරීමේදී විද්‍යාඥයා විසින් ස්වකීය අනුමානය නිවැරදි යැයි සනාථ කිරීමට සාක්ෂි ඉදිරිපත් කිරීම මෙන්ම එම අනුමාන වැරදීමට ඇති ඉඩප්‍රස්තාවන් පිළිබඳවද කරුණු දැක්වීමද කළ යුතුව තිබිණි. නමුත් මෙවැනි කිසිදු ප්‍රමිතියක් පවත්නා ඩොලර් බිලියන ගණනාවක HIV-AIDS වැඩසටහනට ඇතුළත්ව නැත.”
මහාචාර්ය රිචර්ඩ් ස්ට්‍රෝමාන් (Richard Strohman), සෛල ජීව විද්‍යාව, බාර්ක්ලේහි කැලිෆෝනියා විශ්ව විද්‍යාලය (පෙන්ට්හවුස්, 1994 අප්‍රේල්)
HIV යනු සාමාන්‍ය රෙට්‍රො වෛරසයකි. මෙම වෛරසයට අදාළ කිසිදු විශේෂත්වයක් නැත.HIV වෛරසයට අදාළව සොයාගෙන ඇතැයි කියනු ලබන සියලු දේවල් ඒඩ්ස් ඇතිවීමට හේතු නොවන සෙසු රෙට්‍රෝ වෛරස්වලට සමාන පොදු දේවල්ය. HIV වෛරසය තුළ අඩංගුවන්නේ එකම වර්ගයේ ජාන තොරතුරු ඉතා ස්වල්පයක් පමණි. මෙම වෛරසය විසින් සිදු කරනු ලබතැයි අතිශයෝක්තියට නංවමින් පවසන කිසිවක් සිදු කිරීමට මෙම වෛරසයට කිසිදු ආකාරයක හැකියාවක් නැත..”
ආචාර්ය හාර්වේ බියාලි (Harvey Bialy), මොලිකියුල ජීව විද්‍යාඥ, Bio/Technology & Nature Biotechnology: සඟරාවේ හිටපු සංස්කාරක (ස්පින් 1992 ජූනි)
“අවාසනාවකට මෙන් “ඒඩ්ස් අධිකාරය” එක් පාර්ශ්වයකින් ඉදිරිපත්කරන ආධානග්‍රාහි මතවාදයන්ට එරෙහිව ඉදිරිපත්වන අභියෝග අධෛර්යමත් කිරීමේ අරමුණකින් ක්‍රියාත්මකවන බවක්ද අනෙක් පාර්ශ්වයෙන් ඉදිරිපත්වන අදහස්වලට නිතරම අවමන් කිරීමේ පිළිවෙතක් අනුගමනය කරන බවද පෙනී යයි.”
ආචාර්ය රොජර් කනින්ග්හැම් (Roger Cunningham), ප්‍රතිශක්ති සහ ක්ෂුද්‍රජීව විද්‍යාඥ, බෆලෝහි නිව්යෝක් විශ්ව විද්‍යාලයේ ප්‍රතිශක්ති විද්‍යා මධ්‍යස්ථානයේ අධ්‍යක්ෂ (සන්ඩේ ටයිම්ස් (ලන්ඩන්) 1994 අප්‍රේල් 03)
“ඒඩ්ස් යනු චර්යාත්මක රෝගයකි. එය ඖෂධ, මත්ද්‍රව්‍ය, ලිංගිකව සම්ප්‍රේෂණය වන රෝග , බහුවිධ වෛරස් ආසාදනයන් ආදිය හේතුවෙන් ප්‍රතිශක්ති පද්ධතියේ එකම අවස්ථාවක මතුවන බහු-සාධක අක්‍රමිකතාවන් හේතුවෙන් මතුවේ”.
මහාචාර්ය ගෝර්ඩ්න් ස්ටුවර්ට් (Gordon Stewart) , මහජන සෞඛ්‍ය අංශය, ග්ලාස්ගෝ විශ්ව විද්‍යාලය, (ස්පින් 1992 ජූනි)
වෛද්‍ය විද්‍යාත්මක රෝග නිර්ණයක් අනුව “ඒ්ඩ්ස් රෝගියෙකු ලෙස නම්කිරීම මගින් යම් අයෙකුට එරෙහිව පනවනු ලබන මරණ දඬුවම අහෝසි කළ යුතුය.”
මහාචාර්ය ඇල්ෆ්‍රඩ් හාසිග් (Alfred Hassig), (1921-1999) ජර්මනියේ බර්න් විශ්ව විද්‍යාලයේ ප්‍රතිශක්තිවිද්‍යාව පිළිබඳ මහාචාර්ය, ස්විස් රතුකුරුස සමාජයේ ලේ බැංකුවේ හිටපු අධ්‍යක්ෂ (සන්ඩේ ටයිම්ස් (ලන්ඩන්) 1994 අප්‍රේල් 03)
” ඒඩ්ස් රෝගයට හේතුවන්නේ HIV වෛරස් ආසාදනයක් බවට පවත්නා ආධානග්‍රාහි මතය විසින් නියෝජනය කරනු ලබන්නේ බටහිර ලෝකයේ තරුණ තරුණියන්ට එරෙහිව දියත් කරන ලද අපරාධ අතරෙන් වඩාත් විශාලතම සමහර විට සදාචාරමය වශයෙන් වඩාත් විනාශකාරීම ප්‍රෝඩාවයි.”
හාර්වර්ඩ් සහ ජෝන් හොප්කින්ස් විශ්වවිද්‍යාලයේ ජීව රසායන විද්‍යාව පිළිබඳ මහාචාර්ය චාර්ල්ස් තෝමස් ( Charles Thomas)
(සන්ඩේ ටයිම්ස් (ලන්ඩන්) 1994 අප්‍රේල් 03)
“ඒ බව සනාථ කිරීමට අවශ්‍ය වන වෙනත් කිසිදු සාධකයක් ඉදිරිපත් කිරීමකින් තොරව ඒඩ්ස් රෝගයට හේතුවන මාරාන්තික වෛරසයක් ලෙස HIV වෛරසය පුවත්පත් නිවේදන සහ ප්‍රකාශන හරහා අලෙවි කිරීම තුළ ඇත්තේ විකෘති පර්යේෂණයන් සහ දහස් ගණනාවකට දුක් විඳීමට සහ මරණයට පත්කිරීමට හේතු වූ ප්‍රතිකාරයන්ය.”
වෛද්‍ය ජෝසෆ් සොනාබෙන්ඩ් (Joseph Sonnabend) , නිව්යෝර්ක්, ඒඩ්ස් රෝගය පිළිබඳව ඇමෙරිකානු පර්යේෂණ මධ්‍යස්ථානයේ (American Foundation for AIDS Research – AmFAR) නිර්මාතෘ, සන්ඩේ ටයිම්ස් (ලන්ඩන්) 1992 මැයි 17 )
දැන් එය අපගේ රටේ නැවතත් සිදු වෙමින් පවතී. දිනපතා පුවත්පත්වල, වෙබ්ඩ අඩවිවල පළවන්නේ “ඒඩ්ස් රෝගයේ නැගීමක්” පිළිබඳ පුවත්ය. වැඩිවෙමින් පවතින්නේ ඒඩ්ස් රෝගීන් සංඛ්‍යාව නොවේ. වැඩි වෙමින් පවතින්නේ ඒඩ්ස් රෝගීන් හඳුනාගැනීමට සිදුකරන ප්‍රෝඩාකාරි පරීක්ෂණ සංඛ්‍යාවය. ඉතා පැහැදිලිවම කොතැනක හෝ සිටින කවරෙකුට හෝ මෙම “ඒ්ඩ්ස් පරීක්ෂණ සහ ඒ්ඩ්ස් මර්දන ඖෂධ” මගින් සල්ලි ඉල්ලමක් පාදාගැනීමේ අවශ්‍යතාවක් මතුව ඇති බව පැහැදිලිය.මෙම වෛරස් උන්මාදය යළි පැතිරවීමේ අරමුණ එයයි.
සත්‍යය පිළිගැනීමට ප්‍රතික්ෂේප කිරීම හේතුවෙන් ගෙවීමට සිදුවන්නේ ජීවිතවලිනි
කොවිඩ්-19 එන්නත් මගින් සිදුකරන ලද හානිය යළි පිළිසකර කළ නොහැකිවාක් මෙන්ම තවදුරටත් එය වැරැදි ලෙස නිර්වචනය කරමින් යටපත් කිරීමේ ඉඩක්ද නොපවතී. බොහෝ දෙනෙකුන් මෙම එන්නත්වලින් සිදු කර ඇති හානිය හැඳින්වීමට යොදා ගනු ලබන්නේ ” දිගුකාලීන කොවිඩ්” යන පුහු අලංකාරෝක්තියයි. සත්‍ය පිළිගැනීම සඳහා යමෙකු මෙතරම්ම පසුබට වන්නේ මන්ද?
මම මෑත කාලයේ එක්තරා යුවළක් සමග සාමිචියක නිරතවීමි. විදේශිය සංචාරයන්හිනිරතවීමේ අවශ්‍යතාවය හේතුවෙන් මෙම දෙදෙනාම කොවිඩ්-19 එන්නත් ලබාගෙන තිබිණි. මෙම එන්නත් ලබාගැනීමෙන් පසුව සැමියා නිතර ශ්වසන පද්ධතිය ආශ්‍රිත රෝගවලට ගොදුරුවෙමින් සිටියේය. ඔවුන්ගේ එන්නත්කරණ ඉතිහාසය දැන සිටි මම කොවිඩ් එන්නත් මෙම නිදන්ගත රෝගයට හේතුවන්නට ඇතැයි ප්‍රකාශ කළෙමි. මෙම රෝගය සුවපත් කිරීමේ මාර්ගයක් මා විසින් යෝජනා කරනු ලැබීමට පෙරම ඔහු ගේ බිරිඳ මගේ මතයට එරෙහි වූයේ ඇගේම සිද්ධාන්තයක් ඉදිරිපත් කරමිනි.
ඇය මෙසේ පැවසුවාය.
” එයාට මේ කැස්ස හැදුනේ එයා ඔෆීස් යනකොට ලිෆ්ට් එකේදී මාස්ක් දැම්මේ නැති නිසායි.”
මෙම පුද්ගලයා 64 හැවිරිදි අයෙකි. ඔහු ඔහුගේ ජීවිත කාලය තුළ විදුලි සෝපාන රැසක ගමන් කර තිබේ. නමුත් කොවිඩ් සමයට පෙර ඔහුට හෝ වෙනත් අයෙකුට විදුලි සෝපානය හේතුවෙන් ශ්වසන රෝග නොවැළඳිණි.
දෙවියන් අවබෝධ කරගත් අය සිටින්නේ කීප දෙනෙකු පමණක් වනවාක් මෙන්ම විද්‍යාව අවබෝධ කර ගත් අයද සිටින්නේ කීප දෙනෙකු පමණි.
දෙවියන් නිර්මාණය කරන ලද්දේ ලෝකෝත්තර සත්‍යය තුළින් මිනිසුන් යහපත් බවට පත්කරලීමේ අරමුණෙන් වන අතර විද්‍යාව නිර්මාණය කෙරී ඇත්තේ මිනිසුන් ආසන්නතම ආනුභාවික සත්‍යය කරා ළඟා කරවීමේ අරමුණෙනි. නමුත් අද පවතින විද්‍යාව සත්‍යය නොවේ, එය ප්‍රවාදයකි. අද දින විද්‍යාත්මක ප්‍රමිතීන් සහ වාග්හරඹයන් යොදාගෙන ඇත්තේ දිගු කලෙක සිට සත්‍යය හඹායාමේ කිසිදු උනන්දුවක් නොදක්වන නමුත් ඩිජිටලීය සංවේදනයන්, අනන්‍යතා දේශපාලනය, සමාජ සාධාරණත්වය පිළිබඳ ව්‍යාජ න්‍යායන් ආදිය හඹායාමින් අනවරත කලබැගෑනියක ගොදුරු බවට පත්වී තමන් ජීවත්වන ලෝකයේ දෛනික යථාර්ථයන්ගෙන් දුරස්වී ඇති මහජනතාව නොමග යැවීම සඳහාය. මිනිසා යනු තවදුරටත් ජීවිතය නැමැති දිගු අධ්‍යාත්මික චාරිකාවේ වන්දනාකරුවෙකු නොවේ. සාවද්‍ය තොරතුරු යුගයේ රැහැන්වලින් බැඳුනාවූ රූකඩයක් පමණි.
අපේ රටේ නිදහස් වෙළෙඳපොළ ආර්ථිකය ඇතිවීමට පෙර කලාතුරකින් මාතෘකාවක් වූ රෝගවලින් මානව වර්ගයා පෙළෙන්නේ මන්දැයි විමසා බැලීමට අප කවදා හෝ උත්සුක වී තිබේද? එකල අප අතර අද බහුලව දක්නට ලැබෙන නිදන්ගත රෝග පැවතුනේ කලාතුරෙකිනි. අද අපි නිදන්ගත රෝග සඳහා ජීවමාන අත්පොත් බවට පත්ව සිටිමු. එය දියවැඩියාව, ඇදුම, අසාත්මික රෝග, පිළිකා හෝ ප්‍රතිශක්ති පද්ධතිය ආශ්‍රිත රෝග හො කවරක් වේවා දොස්තරවරුන් සහ සෞඛ්‍ය සේවා පණ්ඩිතයන් පවසන්නේ ඒවා අපගේ ජීවන විලාසයේ සිදුව ඇති වෙනස් කම් හේතුවෙන් මතුව ඇති බවයි. නමුත් බටහිර ඖෂධ භාවිතය මෙම රෝගවලට බලපාන ලද ඒ හා සමානම හේතුවක් වීමට ඉඩක් නොමැතිද?
වේදනා රහිත නින්දක් සඳහා පෙනඩෝල් පෙත්තක් ගිලදැමීමට අපගේ රටේ බොහෝ දෙනා හුරුවී සිටින්නේ නින්දට පෙර ආගම සිහිකිරීමේ චාරිත්‍රයකට සමාන ලෙසය. නමුත් ආගම සිහිකිරීම විසින් අක්මාවට හානි නොකරන නමුත් පෙනඩෝල් එසේ සිදු කරනු ලබයි.
අපගේ රටේ ස්ත්‍රීහු මත්පැන් භාවිතයට ගොදුරු වී නැත. අපගේ රටේ බොහෝ දරුවන්ට මොළයේ ක්‍රියාකාරිත්වය විකෘති කරන මානසික ප්‍රතිකාරක ඖෂධ ලබාදීම සිදුවන්නේ මන්ද? මෙම දරුවන්ගේ අක්මාවට මෙම ඖෂධවල විෂ ඉවත්කිරීමට නොහැකිවන විට ඔවුන්ට වසර 5ක්, 10ක් හෝ 15ක් වැනි කාලයකදී මුහුණ දීමට සිදුනු ඇත්තේ කුමන තත්ත්වයකටද? ඔවුන්ගේ මොළය අක්මාව සිරෝටික් රෝගියෙකුගේ උදාසීනත්වයට සහ වැහැරීයාමට ගොදුරු නොවනු ඇතැයි සිතිය හැකිද? රිටලින් දීම මගින් තම දරුවන්ට තමන් විසින් සිදුකරනු ලබන හානිය ගැන කිසිවිටෙකත් විමසා තිබේද?
මගේ එක්තරා මිතුරෙකු මෑතකදී මා සමග ප්‍රකාශ කර සිටියේ ඔහුගේ සීයා ගේ වළලුකර කිසියම් වණයක් පැවැති බවත්, ඒ සඳහා කිසියම් ප්‍රතිකාරයක් නොගන්නේ මන්දැයි සීයාගෙන් විමසූ විට ලැබුණ පිළිතුර වූයේ “එයට ප්‍රතිකාර ගතහොත් එය එතැනින් අතුරුදන්වන නමුත් ශරීරයේ වඩාත් දුෂ්කර තැනකින් වඩාත් දරුණු ආකාරයකින් මතු විය හැකි බවයි. දැන් පවත්නා තැන තිබියදී එය පාලනය කිරීමට පහසු බවත් එහෙයින් එයට ප්‍රතිකාර ගැනීම අවශ්‍යයැයි තමන් නොසිතනා බවත්”ය.
පොදු නිදහස් අධ්‍යාපනය තුළින් හෝ වරප්‍රසාදිත විදේශිය විශ්ව විද්‍යාලයන් තුළින් අධ්‍යාපනය නොලැබුවද අතීතයේ ජීවත්වූ මිනිසුන් අද ජීවත්වන මිනිසුන්ට වඩා ප්‍රඥාසම්පන්න නොවූවෝද?
“ඔවුහු බයිබලය අපගේ දෑත්මත තබා අපට දෑස් වසාගෙන යාඥා කිරීමට ඉගැන්වූ අතර අප දෑස් විවර කර බලන විට අප සතුව බයිබලය පැවැති අතර ඔවුහු අපගේ භූමිය හිමිකරගෙන සිටියහ.”
අපට සිදුව ඇත්තේද මෙයම නොවේද?
අප ඔවුන්ගේ ක්‍රමවේදයන් ඉගෙනගෙන අපගේ ප්‍රඥාව සහ සාමාන්‍ය තර්ක බුද්ධිය අහිමිකරගෙන ඇත්තෙමු. අපගේ නිදහස් සෞඛ්‍ය සේවය සඳහා නොමිලේ ලබාදී ඇත්තේ කුමන ඖෂධදැයි අප තුළ වැටහීමක් හෝ දැනුවත්බවක් තිබේද? කෙදිනක හෝ නිසි අනුමැතිය නොලද ඖෂධ මිලදී ගැනීම සඳහා කටයුතු කරන බලධාරින්ට ලැබෙන කොමිස් මුදල් ගැන අපට දැනුවත් බවක් තිබේද? වකුගඩු පිරිසිදු කිරීමේ අවශ්‍යතාව මතුව ඇත්තේ ඇලොපතික් වෛද්‍ය විද්‍යාව විසින් නිර්දේශ කරන ඖෂධ හේතුවන්ද යන්න ගැන අප කිසිදිනෙක විමසා බලා තිබේද? ඔවුගේ දරුවන් පෙළෙන “ඔටිසම්” නමින් ආඩම්බරයෙන් හඳුන්වන රෝගයට හේතුව දරුවන්ට ලබා දෙන එන්නත්වීමට ඉඩක් නොමැතිදැයි අප කිසිදිනෙක තරුණ මව්වරුන්ගෙන් අසා තිබේද?
“වෛද්‍යමය දුර්විපාක” (Medical Nemesis) නම් කෘතියේ ඉවාන් ඉලීච්(Ivan IIlich) මෙසේ සඳහන් කරතිබේ.
“අතීතයේදී, රෝගියාට තවමත් වෛද්‍යවරයාගේ දෑස් තුළ ඔහුගේම වේදනාවේ පිළිබිඹුවක් සහ ඔහු දුක් විඳීමේ සුවිශේෂත්වය පිළිබඳ යම් පිළිගැනීමක් පවත්නා බව හඳුනාගත හැකිව තිබිණි. වර්තමානයේදී රෝගියාට මුණගැසෙන්නේ ලාභ/අලාභ ගණනය කිරීම් වල යෙදෙන ජීව විද්‍යාත්මක ගණකාධිකාරීවරයෙකුගේ බැල්මයි.”
ස්වාමිනී ඔබ වඩිනුයේ කොහිද?
කාන්ති දෙවන වරටද කුරුසයේ ඇණගසනු ලැබීමට නියමිතව තිබිණි. පළමු එන්නතෙන් පසුව ඇයට ටර්බෝ පිළිකාවක් වැළඳී තිබිණි. එයට ලබා දුන් වෛද්‍ය ප්‍රතිකාර හේතුවෙන් ඇය අපස්මාරයට ගොදුරු විය. ඔවුහු ඇයව මරා දැමූහ. වාසනාවකට මෙන් යේසුස් වහන්සේට දරුවන් නොමැති වූ අතර දෙවනවරටත් කුරුසයේ ඇණගසනු ලැබීමේ ඉරණම පිළිගැනීම සඳහා නැවත රෝමය කරා යාමේ තීරණය ගැනීමට උන්වහන්සේට නිදහස තිබිණි. නමුත් කාන්ති ලාබාල පිරිමි දරුවන් දෙදෙනෙකුගේ මවක් වූවාය. ඇය කොළඹ ඔබේසේකරපුර ජීවත්වූ 45 හැවිරිදි වැන්දඹු ස්ත්‍රියකි. කාන්තිගේ සිරුර ආදාහනය කරා රැගෙන යද්දි ඇගේ මව වැළපුනාය. කාන්ති ඇගේ එකම දියණිය විය.
මනුෂ්‍ය ජීවිතය බිහිවූයේ කෘත්‍රිම බුද්ධිය මගින් නොවේ. එය බිහි වූයේ විශ්වාසයේ උණුසුම, පක්ෂපාතිත්වය, වගකීම සහ ගරුත්වය ආදියෙන් සමන්විත පවුල නැමැති ඒකකය තුළටය. සිය මව වෙත හෝ සිය දරුවන් වෙත සිය වගකීම් සම්පූර්ණ කිරීමට කාන්ති අසමත්වූවාය. කාන්ති මරණයට පත්වූයේ හඬමිනි. ඒ මරණය කෙරෙහි ඇති භීතිය හෝ ශෝකය නිසා නොවේ. නමුත් සම්පූර්ණ කළ නොහැකි වූ වගකීම් හේතුවෙනි. ඇගේ සැමියාටද අත්ව තිබුණේ මෙයටම සමාන ඉරණමකි. ඔහු මරණයට පත්වූයේ ලේ විෂවීමේ රෝගයක් වැළඳීම හේතුවෙනි. කොරෝනා PCR පරීක්ෂණයේ ප්‍රතිඵල ලැබෙන තෙක් ඔහුට ප්‍රතිකාර කිරීම ප්‍රතික්ෂේප කර තිබිණි. එම පරීක්ෂණයේ ප්‍රතිඵල නෙගටිව් විය. එහෙත් ඒ වනවිට ඔහුගේ ඉන්ද්‍රියයන් විනාශ වී ඔහු මරණයට පත්ව තිබිණි.
“PCR පරීක්ෂණයේ ප්‍රතිඵල එනතෙක් රෝහල් ප්‍රතිකාර ප්‍රතික්ෂේප වූ රෝගියා මරණයට පත් වේ.” එවැනි සිරස්තලයක් යටතේ පුවතක් හෝ ලිපියක් ලිවීමට නිර්භය වූ ජනමාධ්‍යවේදියෙකු සිටියේද? එවැනි පුවතක් පළ කිරීමට ඉදිරිපත්වන පුවත්පතක් තිබුණේද? එසේ නොමැති වූයේ නම් ඒ මන්ද?
අපට අවශ්‍ය නිහඬතාව නොවේ. අපට අවශ්‍ය වන්නේ මනුෂ්‍යත්වයට එරෙහිව මෙම අපරාධයට සහභාගි වූ සියලු නිලධාරින්ට දඬුවම් පමුණුවස් ක්‍රියාත්මක වන මහජන විමර්ශනයක් සහ ප්‍රතිපත්තියකි. මෙම අපරාධයේ ප්‍රධාන වගඋත්තරකරුවෙකු වූ ලෝක සෞඛ්‍ය සංවිධානය දැන් සිය “එකම සෞඛ්‍යයක්” සැලසුම ක්‍රියාවට නැංවීමට සුදානම්ව සිටියි. එය වසංගත සඳහා සුදානම්වීමේ ගිවිසුම යටතේ සිදුවන බල කොල්ලයකි. මෙය නැවැත්වීම සඳහා අප සුදානම් විය යුතුය.අපගේ හඬ අවදි කළ යුතුය. නිර්භීත විය යුතුය. මක්නිසාද යත් අපගේ නියෝජිතයින් එය අනුමත කළහොත්, ලෝක සෞඛ්‍ය සංවිධානය අපව ඒකාධිපතිත්වයේ සිට ඒකාධිපතිවාදයට මාරු කරනු ඇත; මතවාදය පිරී ඇත්තේ බොරු බේගල්වලිනි.
මනුකා විජේසිංහ
පරිවර්තනය අජිත් සී හේරත්
2024 අගොස්තු 13
මනුකා විජේසිංහ ශ්‍රී ලංකාවේ උපත ලද අතර රංගශිල්පිනියක ලෙස සිය වෘත්තිය ජීවිතය ඇරඹු ඇය ඇමෙරිකාවේ මායින් සරසවියේ දී නාට්‍යකලාව වැඩිදුරටත් හදාරා ඇත. දැනට ජර්මනියේ පදිංචිව සිටින ඇය Mad Cow, Flight 582 to Zurich, Marital Disadventure,The Affair, My Way, Karma වැනි නාට්‍ය කෘතින් ගණනාවක් නිර්මාණය කර තිබේ. මනුකා 1994 දී Silhouettes for Justice නමින් කාව්‍ය සංග්‍රහයක් පළ කළාය. ඇය විසින් රචිත නවකථා වන්නේ Monsoons and Potholes, Theravada Man, Sinhala Only,Like Moths To A Flame යන කෘතින්ය. හෝමියෝපති වෛද්‍යවරියකද ලෙස කටයුතු කරන ඇය පසුගිය කොවිඩ්-19 ආඛ්‍යානය සහ සෞඛ්‍ය බලධාරින් විසින් අනුගමනය කළ ක්‍රියාමාර්ග විවේචනයට ලක් කර ඇත. |
සටහන්
ටර්බෝ පිළිකා (Turbo Cancer)
ටර්බෝ පිළිකා (turbo cancer) යනු කොවිඩ්-19 mRNA එන්නත් වලින් පසුව දක්නට ලැබෙන මාරාන්තික සෛලවල වේගවත් ව්‍යාප්තිය විස්තර කිරීමට නිර්මාණය කරන ලද වචනයකි.
රෝග පිළිබඳ ක්ෂුද්‍රජීව න්‍යාය (The Germ Theory of Disease)
රෝග පිළිබඳ ක්ෂුද්‍රජීව න්‍යාය වර්තමානයේදී බොහෝ රෝග පිළිබඳ විද්‍යාත්මකව පිළි ගැනී ඇති න්‍යායකි. එයින් කියවෙන්නේ ක්ෂුද්‍රජීවින් ලෙස හැඳින්වෙන විෂබීජ මගින් රෝග බෝවෙන බවයි.මෙම කුඩා ජීවීන් විශාලනයකින් තොරව දැකිය නොහැකි තරම් කුඩා වන අතර, මිනිසුන්ගේ, අනෙකුත් සතුන්ගේ සහ අනෙකුත් ජීවීන්ගේ ශරීරය ආක්‍රමණය කරයි. ඔවුන්ගේ ධාරක ජීවියා(ආසාදනයට ලක්වන ජීවියා) තුළ සිදුවන ඔවුන්ගේ වර්ධනය හා ප්‍රජනනය රෝග ඇති කළ හැක.”විෂබීජ” යන්නෙන් අදහස් කරන්නේ බැක්ටීරියාවන් පමණක් නොව, ප්‍රොටිස්ට් හෝ දිලීර වැනි ඕනෑම ආකාරයක ක්ෂුද්‍ර ජීවීන් හෝ වෛරස්, ප්‍රියොන් හෝ වයිරොයිඩ් වැනි රෝග ඇති කළ හැකි වෙනත් රෝග කාරකද විෂබීජ ගණයට වැටේ.ව්‍යාධිජනක විෂබීජ මගින් ඇතිවන රෝග බෝවෙන රෝග ලෙස හැඳින්වේ.රෝග කාරක විෂබීජයක් රෝගයක ප්‍රධාන හේතුව වුවද, පාරිසරික හා පාරම්පරික සාධක බොහෝ විට රෝගයේ බරපතලකම කෙරෙහි බලපාන අතර, රෝග කාරකයට නිරාවරණය වන විට විෂබීජ සිය සිරුරට ඇතුළු වූ පුද්ගලයා ආසාදනය වේ.රෝග කාරක යනු මිනිසුන් සහ සතුන් යන දෙඅංශයෙන්ම එක් පුද්ගලයෙකුගෙන් තවත් පුද්ගලයෙකුට සම්ප්‍රේෂණය කළ හැකි රෝග වාහක කාරක වේ. ව්‍යාධිජනක ක්ෂුද්‍ර ජීවීන් (වෛරස්, බැක්ටීරියා සහ දිලීර) මෙන්ම පරපෝෂිතයන් වැනි කුඩා ජීවින් මගින් ද බෝවන රෝග ඇතිවේ.
කාපොසි සාර්කොමාව” (Kaposi’s Sarcoma)
Kaposi’s sarcoma”කාපොසි සාර්කොමාව” යනු සම සහ ශ්ලේෂ්මල පටල වලට පමණක් නොව වසා පද්ධතියට සහ ආමාශ, අන්ත්‍ර, පෙනහළු හෝ අක්මාව වැනි අභ්‍යයන්තර අවයව වලට බලපාන වසා අන්තරාසර්ග සෛල වලින් පැන නගින දුර්ලභ, මාරාන්තික, බහු අවයවීය රෝගයකි.